ქუთაისის “ტორპედო” კიდევ ორი ფეხბურთელით გაძლიერდა

ქუთაისის “ტორპედო” გაძლიერებას განაგრძობს. საქართველოს მოქმედმა ჩემპიონმა ერთდროულად ორი ფეხბურთელი დაიმატა. ამიერიდან  “ტორპედოელთა” ღირსებას 30 წლის სლოვაკი ფორვარდი, მილოშ ლაჩნი და 18 წლის სურინამელი თავდამახმელი, გლეოფილო ვლიტერი დაიცავენ.

მილოშ ლაჩნმა ქუთაისელებთან 1 წლიან კონტრაქტს მოაწერა ხელი. გამოცდილ ფორვარდს არაერთ კლუბში უთამაშია.მაგალითად “კაირატში”, “დანდ იუნაიტედში, “პრაღის სპარტაში”, “როზენბურკში”  ბოლოს კი “ჟილინას” მეორე გუნდში თამშობდა. 2009-2010 წლის სეზონში “პრაღის სპარტასთან” ერთად ჩეხეთის ჩემპიონი და სუპერთასის მფლობელი გახდა.  კარიერის განმავლობაში სულ 41 ბურთი აქვს შეგდებული.

რაც შეეხება გლეოფილო ვლიტერს, იგი  სურინამის 15 და 16 წლამდე ნაკრებების წევრი იყო. საფრანგრთში გამართულ 15 წლამდელთა ჩემპიონატზე კი ჩემპიონატის აღმოჩენად დასახელდა. ქვეყნის ძირითად ნაკრებში კი ერთი თამაში აქვს ჩატარებული.

26 ივლისს ქუთაისის “ტორპედო” ევროპალიგის მეორე საკვალიფიკაციო მატჩს “ვიკინგურის” წინააღმდეგ გამართავს. ორივე ლეგიონერი კი უკვე შეყვანილია საევროპო განაცხადში და შესაბამისად მათ ფარერულ კლუბთან თამაშის უფლებაც ექნებათ.

ფოტო: fctorpedo.ge