“დინამომ” ეროვნული ლიგის მესამე წრე გამარჯვებით დაიწყო

თითქმის ერთთვიანი შესვენების შემდეგ ეროვნული ლიგა “დინამოსა” და “რუსთავის” დაპირისპირებით განახლდა.  თბილისელებმა მეტოქე 2-1 დაამარცხეს.

მატჩი მასპინძლებმა აქტიურად დაიწყეს და შეხვედრის მე-18 წუთზე  აკაკი შულაიამ რუსთაველთა საჯარიმოში არსებული არეულობით ისარგებლა და ანგარიშიც გახსნა.

მატჩის 27-ე წუთზე თბილისელებს კიდევ ერთი გოლის გატანა შეეძლოთ თუმცა, მასპინძელთა ცენტრალურმა თავდამსხმელმა, ბუდუ ზივზივაძემ რეალური საგოლე მომენტი ვერ გამოიყენა და მისი დარტყმული სანტიმეტრებით ასცდა კარს.

“დინამო” გატანილი გოლის მიუხედავად მეტოქეს აქტიურად უტევდა და 34-ე წუთზე ბუდუ ზივზივაძის კარგი გადაცემით ნიკა ნინუამ ისარგებლა და თბილისური გუნდი ორი ბურთით დააწინაურა.

მეორე ტაიმმა ძირითადად სახიფათო მომენტების გარეშე ჩაიარა. რუსთაველებმა კი ანგარიშის შემცირება მხოლოდ მსაჯის მოერ კომპენსირებულ დროში შეძლეს. მატჩის 91-ე წუთზე სტუმართაგან თავი ელგუჯა ლობჯანიძემ გამოიჩინა და მატჩის საბოლოო ანგარიში 2-1 დააფქსირა.

თბილისის “დინამომ” ამ გამარჯვებით  41 ქულას  მოუყარა თავი  და ცხრილში მეორე ადგილს იკავებს, “რუსთავი” კი 21 ქულით ეროვნულ ლიგაში მეექვსე საფეხურზეა.

დინამო  2:1  რუსთავი

გოლი: 1:0 შულაია 18’  2:0 ნინუა 34’  2:1 ლობჯანიძე 90’

გაფრთხილება: ლობჯანიძე 39’  კირკიტაძე 48’  კობოური 90+2′

დინამო: სიკაჩი, რუხაია, თოთაძე, ლოჩოშვილი, კობოური, ნინუა (ზარია 78), ივანისენია, ხარაბაძე, შულაია, ვაწაძე (ქარდავა 60), ზივზივაძე (ერგემლიძე 86)

რუსთავი: სეფიაშვილი, კირკიტაძე, ვ. კილასონია, ღონღაძე, გუჯაბიძე (სიჭინავა 67), პაპავა, თარხნიშვილი, მარცვალაძე (კვარაცხელია 46), ციცქიშვილი (ჩოგაძე 67), ბუგულოვი, ლობჯანიძე

მსაჯი: გ. ვადაჭკორია

ფოტო: fcdinamo.ge