ეროვნული ლიგის მესამე წრე იწყება

ეროვნული ლიგის მესამე წრე დღეს, “დინამოსა” და “რუსთავის” მატჩით განახლდება. ორივე გუნდის შემადგენლობაში გარკვეული ცვლილებებია. თბილისური გუნდი დატოვა გუნდის აწ უკვე ყოფილმა ლიდერმა ოთარ კიტეიშვილმა. იგი კარიერას გრაცის “შტურმში” გააგრძელებს. საფეხბურთო კლუბი “რუსთავი” კი გაძლიერდა. გუნდში დაბრუნდა ირაკლი კლიმიაშვილი. ამიერიდან რუსთავური გუნდის ღირსებას დაიცავენ ომარ მიგინეიშვილი, თეიმურაზ ღონღაზე, გიორგი ხიდაშელი, ლუკა გადრანი, რაფაელ ჩუკურუა და ელგუჯა ლობჯანიძე. მატჩი დინამო არენაზე გაიმართება და 20 საათზე დაიწყება.

მე-19 ტური, 4 აგვისტოს “ლოკომოტივისა” და  “სამტრედიას”  საინტერესო დაპირისპირებით გაგრძელდება. თამაში მიხეილ მესხის სახელობის სათადარიგო სტადიონზე გაიმართება და 17:30 დაიწყება. ამავე დღეს ითამაშებენ, გათამაშების ერთპიროვნული ლიდერი “საბურთალო” და ეროვნილი ლიგის ერთ-ერთი აუტსაიდერი ბოლნისის “სიონი”. აღნიშნული შეხვედრა მიხეილ მესხის სტადიონზეა ჩანიშნული და 21 საათზე დაიწყება.

ტურის დასკვნითი 2 მატჩი კი ორშაბათს გაიმართება. “ჩიხურა” ივანწმინდაში “კოლხეთს” დაუპირისპირდება. მოქმედი ჩემპიონი ქუთაისის “ტორპედო” გორის “დილას” რამაზ შენგელიას სახელობის სტადიონზე უმასპინძლებს. თამაში 20 საათზე დაიწყება.