ლოკომოტივის შემადგენლობაში ამერიკელი ფეხბურთელი ისინჯება

თბილისის ლოკომოტივი ამხანაგურ მატჩში, ეროვნული ლიგა 2-ის წარმომადგენელ ვიტ ჯორჯიასთან დამარცხდა. 7 სექტემბერს, საგურამოს ბაზაზე გამართული მატჩი,ლაშა ჭაღიაშვილის გუნდმა 4-1 წააგო.

ანგარიში სტუმრებმა 27-ე წუთზე გახსნეს. ვიტ ჯორჯიას მეკარე ჯონი შეროზიამ თერთმეტმეტრიანი დარტმა ზუსტად შეასრულა.

41-ე წუთზე ლოკომოტივმა წონასწორობა აღადგინა. გოლი 33 წლის შემტევმა, რემი ვილიან ჯონმა  გაიტანა. უკვე რამდენიმე დღეა, რაც ამერიკელი ფეხბურთელი ლოკომოტივში ვარჯიშობს.

51-ე და 55-ე წუთზე, სტუმართა შემტევმა ბექა კაკუშაძემ დუბლი შეასრულა. მატჩის საბოლოო შედეგი 89-ე წუთზე გიორგი კურმაშვილმა დააფიქსირა.

წყარო: fcloco.ge