“ლოკომოტივმა” საფეხბურთო თრილერში იმარჯვა

ეროვნული ლიგის მე-19 ტურის მორიგი მატჩი გაიმართა მიხეილ მესხის სათადარიგო სტადიონზე. თბილისის “ლოკომოტივმა” სამტრედიის “სამტრედიას” უმასპინძლა და 3-2 დაამარცხა.

გუნდებმა ორი განსხვავებული ტაიმი შემოგვთავაზეს. მატჩის პირველი ნახევარი ორივე გუნდმა აქტიურად დაიწყო თუმცა რეალური საგოლე მომენტი არც კართან არ შექმნილა.

მეორე ტაიმის პირველივე წუთებიან სამტრედიამ ბურთზე კონტროლი მოიპოვა და მატჩის 50-ე წუთზე რომან ჩაჩუას პასით გიორგი ახალახე მეკარესთან პირისპირ აღმოჩნდა და მახვილი კუთხიდან დარტყმული ბურთი ლუკა შეროზიას ფეხებსშორის გაუძვრა.

მატჩის 58-ე წუთზე მასპინძელთა მთავარმა მწვრთნელმა ლაშა ჭაღიაშვილმა მოედანზე სათამაშოდ რევაზ ინჯგია შემოიყვანა. შეცვლიდან 2 წუთში კი ინჯგიას დარტყმული ბურთი სტუმართა ცენტრალურ მცველს, გიორგი გურულს მოხვდა და მეკარისაგან მარცხენა კუთხეში შეგორდა.

თბილისელები შეტევებს გარძელებდნენ და თამაშის 79-ე წუთზე თეიმურაზ შონიას პასით მამია გავაშელიშვილმა ისარგებლა და “ლოკომოტივი” ანგარიშით 2-1 დააწინაურა.

სამტრედიელთა მდგომარეობა 85-ე წუთზე უფრო დამძიმდა. სტუმართა ცენტრალურმა მცველმა, გიორგი ჯგერენაიამ 4 წუთის განმავლობაში 2 ყვითელი ბარათი მიიღო და “სამტრედია” 10 კაცით დარჩა.

მიუხედავად იმისა რომ “სამტრედია” კაცნაკლული თამაშობდა სტუმრებმა მაინც შეძლეს წონასწორობის აღდგენა. მატჩის 89-ე წუთზე გიორგი  გაბაძემ საკუთარ საჯარიმოში ოლეგ მამასახლისი წააქცია და მსაჯმაც თერთმეტმეტრიანი დანიშნა.  ბურთთან თავად მამასახლისი მივიდა და მისი დარტყმული ზუსტი აღმოჩნდა.

თითქოს ამ გოლით ყველაფერი უნდა დასრულბულიყო თუმცა, მსაჯის მიერ კომპენსირებულ დროში “ლოკომოტივმა” მაინც მოახერხა გოლის გატანა. მეორე დამატებულ წუთზე ზურიკო დავითაშვილმა საჯარიმოს გარედან დაარტყა,  სამტრედლიეთა მეკარემ უბურთი უხერხულად მოიგერია, მამია გავაშელიშვილმა კი შექმნილი მომენტით ისარგებლა, ცარიელ კარებში ბურთი თავით გადაგზავნა და მატჩის საბოლოო ანგარიშიც დააფიქსირა, 3-2 “ლოკომოტივის” სასარგებლოდ.

თბილისი. მიხეილ მესხი

“ლოკომოტივი” (თბილისი) – “სამტრედია“ 3:2 (0:0)

ლოკომოტივი: შეროზია, გაბაძე, უ.ლობჟანიძე, ნ.ჭანტურია, კომახიძე, გვალია (შონია 60), კიკაბიძე (ინჯგია 58), ძებნიაური, სამურკასოვი (დავითაშვილი 74), ო.კობახიძე, გავაშელიშვილი

მწვრთნელი: ლაშა ჭაღიაშვილი

სამტრედია: პოგორილი, გოგიაშვილი, გ.გურული, ჯგერენაია, ჩაჩუა, ახალაძე (სმირნოვი 74), ენდელაძე (მამასახლისი 66), ლიპარტია, ტუღუში, კოშმანი, მაქაცარია (კუჭუხიძე 80)

მწვრთნელი: გია ცეცაძე

გოლები: 0:1 ახალაძე (50), 1:1 გ.გურული (60 საკ.კარში), 2:1 გავაშელიშვილი (79), 2:2 მამასახლისი (90 პენ), 3:2 გავაშელიშვილი (90+1)

გაფრთხილება: გაბაძე (8), ენდელაძე (33), გურული (33), გოგიაშვილი (69), ჯგერენაია (81, 85)

გაძევება: ჯგერენაია (85)

ფოტო: fcloco.ge