“საბურთალომ” დვალიშვილი და თარგამაძე დაიმატა
თბილისის “საბურთალო” ეროვნული ლიგის მესამე წრისთვის მომზადებას შეუდგა. გუნდი თბილისის ზღვასთან მდებარე “ზესტაფონის” საწვრთნელ ბაზაზე ვარჯიშობს. დედაქალაქურმა კლუბმა ორი ფეხბურთელი დაიმატა, დავით თარგამაძე და ვლადიმერ დვალიშვილი. მოგეხსენებათ, რომ ორივე მათგანს ეროვნულ ნაკრებში არაერთი შეხვედრა აქვთ ჩატარებული. გუნდს აგრეთვე დაუბრუნდა “ლოკომოტივში” იჯარის წესით განათხოვრებული დაჩი ცნობილაძე.
“საბურთალო” მოსამზადებელი ეტაპის ფარგლებში ერთ ამხანაგურ შეხვედრას გამართავს, კერძოდ, 25 ივლისს საფეხბურთო კლუბ “თელავს” დაუპირისპირდება.