საქართველოს ხელბურთის 18 წლამდელთა ნაკრებმა ბელორუსის ნაკრები დაამარცხა
თბილისის ოლიმპიურ სასახლეში მიმდინარეობს ევროპის 18 წლამდელთა ჩემპიონატი ხელბურთში. დღეს საქართველოს ნაკრები ტურნირის ერთ-ერთ ფავორიტს, ბელორუსის ნაკრებს დაუპირისპირდა. ჩვენმა ჭაბუკებმა სენსაციურად 32-24 იმარჯვეს.
თამაში ჩვენი ნაკრებისთვის არც თუ ისე კარგად დაიწყო. საწყის წუთებში ქართველებმა 3 ბურთი მიიღეს თუმცა, სხვაობა მალე აღმოფხვრეს და მთელი თამაშის განმავლობაში უპირატესობას ფლობდნენ. პირველი ნახევარი ქართველი ჭაბუკების სასარგებლოდ, 14-10 დასრულდა.
მატჩის და ტურნირის საუკეთესო თამაში ჩაატარა ჩვენი გუნდის კაპიტანმა გიორგი ცხოვრებაძემ. მან მეტოქეს 20 გოლი გაუტანა და ბომბარდირების სათავეში მოექცა.
ქართველებმა ამ გამარჯვებით 3 ქულას მოუყარეს თავი და ევროპის 18 წლამდელთა ჩემპიომატის “ბ” ჯგუფის ლიდერები გახდნენ.
ფოტო: geohandball.ge