“ტორპედომ” “კუკეში” დაამარცხა

ევროპალიგის მესამე საკვალიფიკაციო ეტაპის პირველი შეხვედრა გაიმართა თბილისში, “მიხეილ მესხის” სახელობის სტადიონზე. ერთმანეთს ქუთაისის “ტორპედო” და ალბანური “კუკეში” დაუპირისპირდნენ. მატჩი მასპინძელთა გამარჯვებით ანგარიშით 5-2 დასრულდა.

“ტორპედოელებმა” მეტოქეს პირველივე წუთებიდან შეუტიეს და სწრაფი გოლიც გაიტანეს. შეხვედრის მე-2 წუთზე ლაზარ მარინის  გადაცემით გიორგი კუხიანიძეს ბურთი თერთმეტმეტრიანის ნიშნულთან მიუვიდა და უძლიერესი დარტყმით  სტუმართა კარი დალაშქრა.

მე-15 წუთზე გიორგი კუხიანიძემ დუბლი გაიფორმა. გიორგი ქიმაძემ ფლანგიდან ჩააწოდა ბურთი კუხიანიძეს მიუვიდა და ამ უკანასკნელმაც ერთი შეხებით გადაგზავნა სტუმართა კარში.

იმერლები გატანილი გოლი მიუხედავად მეტოქეს მწვავედ უტევდნენ. თუმცა გოლის გატანა სტუმრებმა შეძლეს სტუმართა შემტევმა ჰარის ჰარბამ პლანგიდან ჩააწოდა, ბურთი კარისკენ წავიდა და როინ კვასხვაძის კარში ზემოდან ჩაეშვა და ერთ ბურთამდე შეამცირა ანგარიში.

28-ე წუთზე აზაცკის პასით  ლაზარ მარინი მეკარესთან პირისპირ აღმოჩნდა, მახვილი კუთხიდან “ტორპედოელთა” ლეგიონერის დარტყმული ბურთი ზუსტი აღმოჩნდა და  ქუთაისელები 2 ბურთით გაიყვანა წინ.

31-ე წუთზე თავისი გოლი გიორგი ქიმაძემაც გაიტანა. “ტორპედოელებმა” კუთხური მოაწოდეს, სტუმართა მცველებმა ბურთი უხეიროდ მოიგერიეს, გადმოვარდნილ ბურთთან კი პირველი გიორგი ქიმაძე გაჩნდა და საჯარიმოს გარედან, ერთი შეხებით, უძლიერესი დარტყმით მასპინძელთა უპირატესობა 3 ბურთამდე გაზარდა. პირველი ტაიმი იმერლებმა 4-1 მოიგეს.

მეორე ტაიმი ქუთაისელებმა აქცენტი კარის მშრალად შენახვაზე გააკეთეს. თუმცა, მეტოქის კართან არაერთი სახიფატო მომენტი შექმნეს.

მატჩის მე-60 წუთზე “ტორპედოელებს ანგარიშის გაზრდის კარგი შანსი მიეცათ. გიორგი ქიმაძემ ფლანგიდან ჩააწოდა, ბურთთან პირველი მილოშ ლაჩნი გაჩნდა თუმცა ცარიელ კარში ბურთის გადაგზავნა ვერ მოახერხა. მისი დარტყმული ბურთი კარის ზედა ძელს მოხვდა.

66-ე წუთზე ალბანელებს ანგარიშის ორამდე შემცირება შეეძლოთ ჰარბას ჩაწოდებულ ბურთს პირველი რეჯინალდო შეეხო თუმცა მისი დარტყმული არაზუსტი აღმოჩნდა.  ამ უკანასკნელს კიდევ შეეძლო გოლის გატანა თუმცა 74-ე წუთზე  როინ კვასხვაძის შეცდომით ვერ ისარგებლა და მისი დარტყმული ბურთი მამუკა კობახიძემ ჩაჭრა.

მატჩის 85-ე წუთზე გიროგი ქიმაძემ, თორნიკე კაპანაძესთან “კედელი” გაითამაშა თუმცა მისი დარტყმული ბურთი მეტოქის კარს ზემოდან გადაცდა. ამ მომენტიდან ერთ წუთში კი თორნიკე კაპანაძემ უზადოდ ითამაშა, ბურთი თითქმის ცენტრის ხაზიდან წაიღო  და “ტორპედო” 5-1 დააწინაურა.

88-ე წუთზე კი მატჩის მთავარმა არბიტრმა სტუმრებს პენალტი “აჩუქა” და პლაკუმ ანგარიში 3 ბურთამდე შეამცირა.

91-ე წუთზე კიდევ შეეძლოთ სტუმრებს ანგარიშის შემცირება თუმცა როინ კვასხვაძემ შესაშური რექაცია გამოავლინა და მეტოქეს არ გაატანინა.

საპასუხო შეხვედრა 16 აგვისტოს ალბანეთში გაიმართება.

09.08.2018

“ტორპედო” – “კუკეში” 5:2

გოლი: კუხიანიძე 2′,15′, ჰ.ჰარბა 22′.   ლ.მარინ 28′. გ.ქიმაძე 31′. კაპანაძე86′, 5:2 პლაკუ88′(პ)

გაფრთხილება: მ.ლაჩნი 4′, ბ.მუსული 23′, გ.ქიმაძე 23′

ტორპედო: რ.კვასხვაძე, მ. კობახიძე(დ.ხურცილავა 79′), გ. ქიმაძე, ლ.გეგეჩკორი, ო.აზაცკი, ლ.მარინ, გ.დოლიძე (ა.დაფე 72′), გ. კუხიანიძე, მ.ჰლინკა, მ.ცინცაძე, მ.ლაჩნი (თ.კაპანაძე 67′)

კუკეში: ს.ფრაშერი, ი.შამეტი, რ.ჰოჩა, ვ.კორდეირო(ვ.ზგურო), ს.რუმბულაკუ, ჰ.ქაქი, ი.ძარია (შკოდრა 63′), ა.ჩურბა(ს.პლაკუ 63′), ბ.მუსოლი, ჰ.ჰარბა, რეჯინალდო

ფოტო: eliga.ge