ქუთაისის “ტორპედო” ალბანურ “კუკეშთან” საბრძლოლველად მზადაა

დღეს, “მიხეილ მესხის” სახელობის სტადიონზე ქუთაისის “ტორპედო” “ევროპალიგის” მესამე საკვალიფიკაციო ეტაპის პირველ მატჩს გამართავს და ალბანეთის მოქმედ ჩემპიონს, “კუკეშს” დაუპირისპორდება.

“კუკეშმა” ევროტურნირები “ჩემპიონთა ლიგის” პირველი საკვალიფიკაციო ეტაპიდან დაიწყო.  ალბანელების მეტოქე მალტის ჩემპიონი, “ვალეტა” იყო. პირველი შეხვედრა ალბანეთში გაიმართა და გატანილი გოლების გარეშე დასრულდა, განმეორებით შეხვედრაში ორივე გუნდის კარში თითო გოლი გავიდა და “კუკეში” სტუმრად გატანილი ბურთის წყალობით გავიდა შემდეგ ეტაპზე.

“კუკეშის” შემდეგი მეტოქე აზერბაიჯანის მოქედი ჩემპიონი “ყარაბაღი” იყო. თუმცა, ალბანელებმა აზერბაიჯანული ბარიერი ვერ გადალახეს და “ევროპალიგის” მესამე საკვალიფიკაციო ეტაპზე გადმოერთვნენ. ორი მატჩის ჯამში “ყარაბაღმა” 3-0 იმარჯვა. პირველი შეხვედრა ალბანეთში ნულოვანი ფრით დასრულდა. ბაქოში კი მასპინძლებმა 3-0 დაამარცხეს მეტოქე. აღნიშნულ მატჩში ალბანელებს  აქცენტი ძირითადად დაცვაზე ქონდათ გადატანილი და მეტოქის კარის მიმართულებითაც კი არ დაურტყამთ.

რადგანაც მშობლიური სტადიონი “უეფას” მოთხოვნებს ვერ აკმაყოფილებს, “კუკეშმა” ევროტურნირების საშინამო მატჩები ქალაქ შკოდიორში ჩაატარა და ორივე შეხვედრას მხოლოდ 1100-ამდე მაყურებელი დაესწრო. “ტორპედოსთან” მატჩს კი, ქალაქ ელბასანში ჩაატარებენ, რომელიც კუკეშიდან 180 კილომეტრითაა დაშორებული.

როგორც მოგეხსენებათ, ქუთაისელებმაც ევროტურნირები “ჩემპიონთა ლიგის” პირველი საკვალიფიკაციო ეტაპიდან დაიწყეს. იმერლებმა მოლდოვური “შერიფის” ბარიერი ვერ გადალახეს და “ევროპალიგის” მეორე საკვალიფიკაციო ეტაპზე გააგრძელსს ასპარეზობა. “ტორპედოს” შემდეგი მეტოქე  ფარერების ჩემპიონი, “ვიკინგური” იყო. ქუთაისელებმა მეტოქე ორი მატჩის ჯამში  7-0 გაანადგურეს და “ევროპალიგის” მესამე საკვალიფიკაციო ეტაპზე გავიდნენ.

“ტორპედოელები” მატჩს სრული საბრძოლო განწყობით ხვდებიან. ჟურნალისტებთან ისაუბრა მასპინძელთა მთავარმა მწვრთნელმა კახაბერ ჩხეტიანმა. გთავაზობთ მცირე ამონარიდს მისი კომენტარიდან.

“მეტოქე ძალიან მებრძოლი გუნდია. თამაშობენ კონტრშეტევაზე. “ყარაბაღთან” მატჩს თუ ავიღებთ, მეტოქეს სივრცეებს არ უტოვებდნენ. რა თქმა უნდა, ჩვენი სტრატეგია გვაქვს. მეტოქის წინააღმდეგ და მე ჩემი ფეხბურთელების ძალიან დიდი იმედი მაქვს. გუნდი ოპტიმალური შემადგენლობითაა, ყველა მზადყოფნაშია და ვინც 100%-ით მზად იქნება, ისინი გავლენ მოედანზე. ლევან კუტალიაც ვარჯიშობს, ახლა კარგადაა.”- განაცხადა კახა ჩხეტიანმა.

“კუკეშს” დისკვალიფიკაციის გამო ცენტრალური მცველი, ალბი ალლა ვერ დაეხმარება. აგრეთვე ალბანელებმა ვერ მოაგვარეს საჭირო საბუთები და კიდევ 2 ფეხბურთელის გარეშე ესტუმრნენ თბილისს.

აღნიშნული შეხვედრა თბილისს დროით 21 საათზე დაიწყება. მატჩის პირდაპირ რეპორტაჟს საზოგადოებრივი მაუწყებლის პირველი არხი შემოგვთავაზებს.

ფოტო: fctorpedo.ge