დუდა სანაძის 24 ქულა პოლონეთის ჩემპიონატის ერთ-ერთ ლიერთან

დუდა სანაძის მსაუკეთესო მატჩი პოლონეთში. საქართველოს ნაკრების მსროლლმა “რადომში” გადასვლის შემდეგ მესამე მატჩი გამართა და საუკეთესო შედეგი დააფიქსირა. პოლონური ლიგის მოწინავე სამეულში მყოფ “გდინისთან” გასვლით მატჩში სანაძემ 24 ქულა ჩააგდო და თავის გუნდში საუკეთესოც იყო, თუმცა მხოლოდ მისი გარჯა გამარჯვებისთვის საკმარისი არ აღმოჩნდა. “გდინიამ” შეხვედრა 100:73 მოიგო.

სანაძე სასტარტო ხუთეულში გახლდათ და მოედანზე 31 წუთი გაატარა. დუდამ 11-დან 7 ორქულიანი, 5-დან 2 სამიანი და 4-დან 4 საჯარიმო ჩააგდო. 24 ქულასთან ერთად ქართველმა ლეგიონერმა 6 მოხსნა და 3 ჩაჭრა მიითვალა. დუდა 24 ქულით მატჩის ბომბარდირი გახდა, თუმცა თანაგუნდელებმა სათანადოდ მხარი ვერ აუბეს და “რადომი” ქართველი ლეგიონერის შემატების შემდეგ ზედიზედ მესამედ დამარცხდა.

17 ტურის შემდეგ “რადომს” 5 გამარჯვება აქვს და 16-გუნდიან უმაღლეს ლიგაში მე-12 ადგილზეა. შემდეგ მატჩს სანაძის გუნდი 2 თებერვალს, შინ შჟეჩინის “კინგთან” გამართავს.

შეგახსენებთ, რომ სანაძეს პოლონეთის ლიგაში გამართულ 3 მატჩში 65 ქულა აქვს ჩაგდებული.

gbf.ge