შენგელია ცსკა-ში საუკეთესო იყო, მაგრამ არმიელები ბარსელონაში დამარცხდნენ
მოსკოვის ცსკა და მასთან ერთად თორნიკე შენგელია ევროლიგაში ჩაერთვნენ. პირველი ტურის არმიელებმა კატალონიაში, “ბარსელონასთან” გამართეს და ქართველი ფორვარდის შედეგიანობის მიუხედავად 76:66 წააგეს.
მატჩი საკმაოდ დაძაბული გამოდგა და საინტერესოდ წარიმართა. ბარსელონამ ძალიან შთამბეჭდავად დაიწყო და პირველივე მეოთხედი 10 ქულით მოიგო. ცსკა-ს დაცვა ვერაფერს უხერხებდა ბარსას ‘დიდებს’ – ნიკოლა მიროტიჩს და ბრენდონ დევისს. კატალონელებს სამწამიანში გადამწყვეტი უპირატესობა ჰქონდათ და თავის მხრივ, მათმა დაცვამ ცსკა-ს შეტევაში არაფრის საშუალება არ მისცა.