All Star-ი 29 იანვარს, რუსთავის საკალათბურთო დარბაზში გაიმართება

2023 წლის All Star-ის სასტარტო ხუთეულების არჩევის პროცესი, დღეს 12 საათზე დასრულდა, ხოლო სათადარიგო მოთამაშეები გუნდების მთავარმა მწვრთნელებმა – ირაკლი ხოშტარიამ და ბექა წივწივაძემ ოლიმპიურ სასახლეში გამართულ სპეციალურ პრესკონფერენციაზე დაასახელეს.

პრესკონფერენციისას  სუპერლიგის ლიდერი გუნდების მწვრთნელებმა აღნიშნეს, რომ შემადგენლობის არჩევისას მოთამაშეთა მაჩვენებლების მიხედვით იმსჯელეს და საბოლოოდ All Star-ის ორივე გუნდი 12-12 მოთამაშით დააკომპლექტეს.

აღსანიშნავია ისიც რომ ირაკლი ხოშტარიამ და ბექა წივწივაძემ დაასახელეს მწვრთნელები, რომლებიც მათ 29 იანვარს, რუსთავში ასისტენტობას გაუწევენ. ადგილობრივი კალათბურთელების გუნდს ირაკლი ხოშტარიასთან ერთად ლექსო ლაფანაშვილი უხელმძღვანელებს, ხოლო ლეგიონერებს ბექა  წივწივაძე, ანატოლი ბოისა და ბესო ლეჟავა გაუძღვებიან.

შეგახსენებთ რომ All Star-ის მატჩის ფარგლებში გაიმართება 3 ქულიანებისა და ჩატენვების კონკურსები. სნაიპერთა კონკურსში მონაწილე 6 კალათბურთელი სუპერლიგის პირველი წრის შემდგომ, 3 ქულიანი სროლების საუკეთესო პროცენტული მაჩვენებლის მქონე შემგომი კალათბურთელები იქნებიან: მიხეილ ბერიშვილი (თსუ), საბა ლობჯანიძე (ბათუმი), ლუკა ლიკლიკაძე (ოლიმპი), დერიკ ნიუტონი (დელტა), გიორგი გოგუა (ტიტები) და ნიკოლოზ სოსელია (ქუთაისი).