საქართველო 3:0 ბულგარეთი
საქართველოს ეროვნულმა ნაკრებმა მსოფლიო ჩემპიონატის საკვალიფიკაციო ეტაპის მატჩში ბულგარეთს 3:0 სძლია.
დინამო არენაზე ჩატარებულ შეხვედრაში ანგარიში 30-ე წუთზე ხვიჩა კვარაცხელიამ გახსნა, რომელიც დღევანდელ მატჩში საქართველოს ნაკრებს კაპიტნობდა. 44-ე წუთზე, ზურიკო დავითაშვილის პასით ჩვენი გუნდის უპირატესობა ორამდე ნიკა გაგნიძემ გაზარდა სადებიუტო სანაკრებო გოლით. მატჩის საბოლოო ანგარიში 65-ე წუთზე გიორგი მიქაუტაძემ დააფიქსირა.
ბულგარეთთან შეხვედრაში ეროვნული ნაკრების რიგებში ნოდარ ლომინაძის დებიუტი შედგა. 23 წლის ნახევარმცველი თამაშში 83-ე წუთზე ჩაერთო.
მსოფლიო ჩემპიონატის საკვალიფიკაციო ეტაპზე ჩატარებული ორი მატჩის შემდეგ, საქართველოს ნაკრების აქტივში 3 ქულაა. მომდევნო მატჩებს ჩვენი გუნდი ოქტომბრის სანაკრებო ფანჯრის ფარგლებში გამართავს. 11 ოქტომბერს საქართველოს ნაკრები ესპანეთს ესტუმრება, ხოლო 14 ოქტომბერს – თურქეთს.