ქალთა ნაკრები ორ ამხანაგურ მატჩს გამართავს
საქართველოს ქალთა ეროვნული ნაკრები ორ ამხანაგურ მატჩს გამართავს. 24 და 27 ოქტომბერს, ირის ანტმანის გუნდი მოლდოვის ეროვნულ ნაკრებს უმასპინძლებს.
პირველი მატჩი, 19:00 საათზე, დავით პეტრიაშვილის სახელობის სტადიონზე გაიმართება, ხოლო მეორე მატჩს, რომელიც 18:00-ზე დაიწყება, მიხეილ მესხი 2 უმასპინძლებს.
ამხანაგური მატჩებისთვის საქართველოს ნაკრებმა მზადება 24 ფეხბურთელით, სფფ-ის ტექნიკური ცენტრის, ბასას მოედანზე დაიწყო.
საქართველოს ნაკრების შემადგენლობა
მეკარე: თათია გაბუნია (ლანჩხუთი), სვეტლანა გაბელაია (ნიკე-ლუსო, თბილისი), თეონა სუხაშვილი (ნიკე-ლუსო, თბილისი), ეკა თაბაგარი (ელიტა, თბილისი)
დაცვა: გვანცა ქადაგიშვილი (ნიკე-ლუსო, თბილისი), მარიამ კალანდაძე (პანათინაიკოსი, საბერძნეთი), სოფიკო ნარსია (ნიკე-ლუსო, თბილისი), სალომე გასვიანი (ნიკე-ლუსო, თბილისი), თამარ ტატუაშვილი (ნიკე-ლუსო, თბილისი), ნინო ჩხარტიშვილი (ლანჩხუთი), ელენე ენჯიბაძე (ნიკე-ლუსო, თბილისი), ანი აკობიძე (ნიკე-ლუსო, თბილისი)
ნახევარდაცვა/თავდასხმა: ნინო პასიკაშვილი (კვარტალი, თბილისი), ანა ჩემინავა (ჰაპოელ თელ-ავივი, ისრაელი), ნათია დანელია (ნიკე-ლუსო, თბილისი), მაიკო ბებია (იუქსექოვასპორი, თურქეთი), კესო მეტონიძე (რაჭა, ამბროლაური), თინათინ ამბალია (სპარტა პრაღა, ჩეხეთი), ირინა ხაბურზანია (ნიკე-ლუსო, თბილისი), ლიზი მწყერაშვილი (ნიკე-ლუსო, თბილისი), ნათია ჯოჯუა (ნიკე-ლუსო, თბილისი), ეთერ სულაშვილი (ლანჩხუთი), თეონა ბაქრაძე (ნიკე-ლუსო, თბილისი), ნინო ბუხრიკიძე (ნიკე-ლუსო, თბილისი)
- 24 ოქტომბერი, 19:00 | საქართველო – მოლდოვა | დავით პეტრიაშვილი არენა
- 27 ოქტომბერი, 18:00 | საქართველო – მოლდოვა | მიხეილ მესხი 2
მედიის წარმომადგენელთა საყურადღებოდ: საქართველო – მოლდოვის მატჩებზე აკრედიტაციის მოთხოვნა შეგიძლიათ გამოაგზავნოთ 23 ოქტომბრის ჩათვლით, მითითებული ბმულისგამოყენებით.
ორგანიზაციამ ოფიციალურ წერილში უნდა მიუთითოს აკრედიტაციის მიღების მსურველი მედიის წარმომადგენლის სახელი, გვარი, პოზიცია და საკონტაქტო ინფორმაცია.
გთხოვთ გაითვალისწინოთ, რომ მედიისთვის განკუთვნილი ადგილები შეზღუდულია. მედია ორგანიზაციის ბეჭდით დამოწმებული ოფიციალური წერილის გარეშე გამოგზავნილი მოთხოვნა არ განიხილება.