თბილისის “დინამო” “დუნაისკა სტრედას” უმასპინძლებს

დღეს, თბილისის “დინამო” ევროპალიგის პირველი საკვალიფიკაციო ეტაპის  საპასუხო მატჩში, სლოვაკურ “დუნაისკა სტრედას” დინამო არენაზე უპასპინძლებს.

თბილისი “დინამოს” მთავარმა მწვრთნელმა, კახა კაჭარავამ ჟურნალისტებთან ისაუბრა. გთავაზობთ მის კომენატს:

“ჩვენი ბიჭებისთვის დიდი მატჩია. ვემზადებით ჩეულებრივ რეჟიმში. იყო მიკრო ტრავმები, თუმცა სერიოზული არაფერი. კუცია, ძარია და ქარდავა მხოლოდ 1 კვირაა ვარჯიშობენ გუნდთან ერთად, თუმცა სამწუხაროდ, ოპტიმალურ ფორმაში არ არიან. ხვალ კარგ თამაშს ველოდებით, იმედი მაქვს, ბიჭები ყველაფერ გააკეთებენ მაქსიმალური შედეგის მისაღებად. როგორც ჩვენ, “დუნაისკა სტრედასაც” ბევრი მომენტი ჰქონდა პირველ მატჩში. ყველაზე დიდი ყურადღება სტანდარტულ სიტუაციებს უნდა მივქციოთ, რადგან სახიფათო მომენტი მეტოქემ სწორედ ამის საშუალებით შექმნა. სამწუხაროდ, შეიძლება ვარჯიშზე ყველაფერი კარგად გამოგივიდეს, მაგრამ თამაშზე ვერ გადაიტანო. საქართველოში რამდენიმე მომენტის გამოუყნებელობას გაპატიებენ, ევროტურნირებზე – არა”.

დღევანდელი მატჩის შესახებ ისაუბრა აგრეთვე “დინამოელთა” კაპიტანმა, ოთარ კიტეიშვილმა.

“მნიშვნელოვანი თამაშია “დინამოსთვის” და ქართული ფეხბურთისთვის, რადგან ბოლო წლებში ცუდად გამოვდივართ ევროტურნირებზე. აუცილებელია, ხვალ ჩვენი მაქსიმუმი ვაჩვენოთ და იმედია ამას მოვახერხებთ. ჩვენი მიზანი მხოლოდ შემდეგ ეტაპზე გასვლაა. არ მიიღება პასუხი და არ უნდა ვთქვათ, კარგად ვითამაშეთ და ვერ გავედითო”.

წინასამტჩო პრესკონფერენციაზე მოახლოვებულ მატჩზე კომენტარი გააკეთა “დუნაისკა სტრედას” მთავარმა მწვრთნელმა, მარკო როსიმ.

“ფსიქოლოგიურად კარგად ვგრძნობთ თავს. 1 კვირა ინტენსიურად ვვარჯიშობდით ფიზიკურად და მენტალურად. წინა თამაშში ეს ყველაფერი 60 წუთი გამოგვივიდა. ვეცდებით, ხვალ 90 წუთით ვიყოთ მზად. ბიჭები ხვალინდელ წარმატებაში დარწმუნებულები არიან. დიდ პატივს ვცემთ ჩვენს ტიტულოვან მეტოქეს. მართალია, ახლა ახალგაზრდებითაა დაკომპლექტებული, თუმცა კარგ ფეხბურთს თამაშობენ და ვაფასებთ მათ”.

აღნიშნული მატჩი 21 საათზე დაიწყება და პირდალირ რეპორტაჟს  საზოგადოებრივი მაუწყებლის მეორე არხი შემოგვთავაზებს. შეგახსენებთ, რომ პირველი შეხვედრა, ფრედ 1-1 დასრულდა.

ფოტო: fcdinamo.ge