“სამტრედია” “ტობოლთან” საბრძოლველად მზადაა

ევროპალიგის პირველი საკვალიფიკაციო ეტაპის განმეორებით შეხვედრაში ” სამტრედია” ყაზახურ “ტობოლს”  დაუპირისპირდება. მატჩი ჩვენი დროით 17:00 წუთზე დაიწყება და  პირდაპირი  რეპორტაჟს ხილვა სილქ-უნივერსალზე  იქნება შესაძლებელი. შეგახსენებთ, რომ პირველი შეხვედრა “ტობოლმა” 1-0 მოიგო. შემდეგ ეტაპზე გასასვლელად სამტრედიელებს მხოლოდ მოგება სჭირდებათ.

წინასამატჩო პრესკონფერენცია გაიმართა ყაზახეთში. მოახლოვებულ თამაშზე ორივე გუნდის მწვრთნელებმა ისაუბრეს.

გია ცეცაძე: – ახალი გუნდი ვართ. ათი დღის შეკრებილები ვართ. სიურპრიზები? ყველა გუნდს აქვს სიურპრიზები, მაგრამ ეს თამაშის დროს გამოჩნდება. მინიმუმ კარგ თამაშს ველოდები და ვეცდებით, რომ საჩვენოდ დავასრულოთ“.

აგრეთვე კომენტარი გააკეთა “ტობოლის” მთავარმა მწვრთნელმა. მისი განცხადებით:

“სამტრედიასთან პირველი მატჩი თანაბრად მიმდინარეობდა ბოლო წუთებში რამდენიმე მომენტი შევქმენით, გაგვიმართლა და გოლიც გავიტანეთ, თუმცა კიდევ 90 წუთი გვაქვს სათამაშო. ჩემი აზრით, ხვალ გუნდები თავს არ დაზოგავენ და კვლავ იბრძოლებენ გამარჯვებისთვის, თუმცა ვიმედოვნებ, რომ გადავლახავთ პირველი საკვალიფიკაციო ეტაპის ბარიერს.”