საჩხერის “ჩიხურამ” იერუსალიმის “ბეითარი” დაამარცხა და შემდეგ ეტაპზე გავიდა

საჩხერის ” ჩიხურამ” იერუსალიმის ” ბეითარი” ანგარიშით 2-1 დაამრაცხა და ევროპალიგის მეორე საკვალიფიკაციო ეტაპზე გავიდა. შეგახსენებთ , რომ 1 კვირის წინ  აღნიშნული გუნდების დაპირისპირება თბილისში ნულოვანი ფრით დასრულდა.”

“ჩიხურამ” თამაში თავიდანვე აქტიურად დაიწყო. თუმცა, პირველ ტაიმში ცხადი იყო , რომ სოსო ფრუიძეს აქცენტი კარის მშრალად შენახვაზე ქონდა გაკეთებული.  საჩხერელები ძირითადად კონტრშეტევებით უტევდნენ მეტოქეს. პირველი ტაიმი 0-0 დასრულდა. მეორე ტაიმი მასპინძლებმა კარგად დაიწყეს და 62 წუთზე  სტუმართა კარი ვარედმა დალაშქრა. 71-ე წუთზე საჩხერელთა თავკაცმა მინდორზე სათამაშოდ ლევან კაკუბავა შეუშვა, მას კი მხოლოდ 3 წუთი დასჭირდა გოლის გასატანად. აღნიშნული ანგარიში უკვე სტუმრებს აწყობდათ და მასპინძლები დიდი ძალებით წავიდნენ წინ. თუმცა “ჩიხურას” ფეხბურთელებმა ბურთი მალევე “დაიჭრეს” და 82-ე წუთზე თეიმურაზ მარკოზაშვილმა  პენალტის დარტყმის უფლება მოიპოვა. გიორგი გაბედავამ პენალტი ზუსტად შეასრულა და მატჩის საბოლოო ანგარიშიც დააფიქსირა, 2-1 “საჩხერლების” სასარგებლოდ.

ჩიხურას მომავალი მეტოქე სლოვენიური “მარიბორი” იქნება. აღნიშნული დაპირიპირების პირველი მატჩი  26 ივლისს, თბილისში, “მიხეილ მესხის” სახელობის სტადიონზე გაიმართება.

ფოტო: fcchikhura.ge